+- الدعم العربي (https://www.mybbarab.com)
+-- قسم : :: . + التسلية والترفيه والمواضيع العامة والجادة + . :: (https://www.mybbarab.com/forum-23.html)
+--- قسم : الترفيه والتسلية (https://www.mybbarab.com/forum-29.html)
+--- الموضوع : تخيل لو أنك مثلا (/thread-7124.html)
تخيل لو أنك مثلا - Bestpublisher - 2008-12-24
تخيل لو أنك مثلا
مرحبا بكم في هذا الموضوع،،
من البداية اللي ما عنده روح دعابه،، بلاش يقرأ الموضوع ده
المهم لندخل في صلب الموضوع:
في هذا الموضوع سنتحدث عن مواقف نتخيل حصولها و هي ممكن تحصل
ما فهمت
؟؟؟دعوني أبدأ:
- تخيل مثلا انت كمدير منتدى تدخل صفحة المتواجدين الآن، تجد: عضو ينتحر في صفحة الانتحار.
- تخيل انك في يوم من الأيام تفطر و بعد الفطور تجي الوالدة و تقلك انت أكلت ايه،، ده صابون.
- تخيل معي مثلا انك كويب ماستر،، و في يوم من الأيام تستيقظ اثناء النوم و تروح على طول و تحذف كل مواقعك و النسخ الاحتياطية،،
- تخيل معي في يوم من الايام يجيك اتصال من اخوك و انتا نايم،، و ترد عليه و تسبه ،، هههه (دي فعلا حصلت معي).
انا هذه هي المواقف المضحكة التي اتخيلها في بعض الأحيان (للمزاح فقط)
انا عارف ان الكثير منكم عندهم افكار زي دي،، ارجو مشاركتنا،
RE: تخيل لو أنك مثلا - Pepo - 2008-12-24
إقتباس :تخيل انك في يوم من الأيام تفطر و بعد الفطور تجي الوالدة و تقلك انت أكلت ايه،، ده صابون.حصلت معايا بس ماكنش صابون يعنى.
كان عندنا نعناع اخضر ووالدتى كانت حاطاه فى الشمس عشان ينشف.
جيت انا دخلت على المكان اللى فيه النعناع, اخدت شوية وغليتهم (وكنت لسة صاحى من النوم) وشربتهم.
وبعد اما خلصت حسيت بطعم غريب, بقول للحجة, هو النعناع ده طعمه عامل ليه كده؟
قالت نعناع ايه؟ قولتلها اللى كنتى بتنشفيه.. قالتلى دى ملوخية
إقتباس :تخيل معي مثلا انك كويب ماستر،، و في يوم من الأيام تستيقظ اثناء النوم و تروح على طول و تحذف كل مواقعك و النسخ الاحتياطية،،
بعد اول ثلاث شهور من استخدام المنتدى, جيت فى مرة قبل اما انام جاتلى فكرة لقسم جديد.
والقسم ده هايكون له نفس صلاحيات قسم اخر. قلت اول اما اصحى هانفذها.
وفعلا اول اما صحيت افتكرت وقولت انفذها قبل اما اتشغل فى اى حاجة وانسى.
وجيت انسخ صلاحيات القسم القديم للقسم الجديد, روحت حاذف القسم الجديد بكل مواضيعه.
بس لحسن الحظ انى قبل اما تجيلى الفكرة (قبلها بيوم) كنت اخذت نسخة من المنتدى بالكامل والقسم اللى اتحذف ماكانش اتضاف فيه مواضيع جديدة خلال الكام ساعة اللى نمتهم, فارجعت النسخة وماحدش حس بحاجة :$
إقتباس :تخيل معي في يوم من الايام يجيك اتصال من اخوك و انتا نايم،، و ترد عليه و تسبه
فى اوقات بستمر فيها لأكثر من يومين وثلاث واحيانا بالأسبوع دون النوم لدقيقة, وتظهر الهالات السوداء تحت عينى فى الأوقات دى كأنى اتعاطى كوكايين.
وحظه بيكون وحش اللى بيصحينى بعد اما بنام بعد الفترات الطويلة دى من قلة النوم.
ساعات الاقى اخويا يقولى انا مش هاصحيك تانى. اقوله ليه؟ يقولى جيت بصحيك زعقتلى. او ضربتنى, حجات كده, وانا اصلا مش ببقة حاسس بالكلام ده.
RE: تخيل لو أنك مثلا - Bestpublisher - 2008-12-24
ههههههه،،
مشكور اخي بيبو على المشاركه،،
و دي مواقف فعلا مضحكه،، بتحصل لكن غريبه اوي،،
هههي بارك الله فيك
RE: تخيل لو أنك مثلا - ابوصبرى - 2009-02-28
جزاك الله كل خير أخى الكريم
وبارك الله فيك