ازاى تكون رخم طحن؟؟؟؟ - نسخة قابلة للطباعة +- الدعم العربي (https://www.mybbarab.com) +-- قسم : :: . + التسلية والترفيه والمواضيع العامة والجادة + . :: (https://www.mybbarab.com/forum-23.html) +--- قسم : المنتدى العام للمواضيع العامة (https://www.mybbarab.com/forum-41.html) +--- الموضوع : ازاى تكون رخم طحن؟؟؟؟ (/thread-7199.html)

ازاى تكون رخم طحن؟؟؟؟ - mahmoud270 - 2008-12-29 السلام عليكم اليوم جايبلكم موضوع جامد طحن ازاى تكون رخم طحن؟؟؟؟؟؟ لنبدأ _____________________________________________________________________ ازاى تكون رخم طحن؟؟؟؟ قول نكته طويله و لما تيجى عند آخر سطر و هو السطر المهم اللى فيه الأفيه و أعمل نفسك نسيته ، ولو حد غلس قوله : و الله كانت نكته جامده بس الظاهر أنى نسيتها . • هات بخاخه مطهر ديتول و أمشى ورا شخص ما فى اى حته ، و كل ما الشخص ده يمسك حاجه و يسيبها ... تروح راششها بالمطهر على طول. • و أنت بتتكلم فى موضوع أقطع كلامك و أدى انطباع أنك هاتكمل ... و ماتكملش ..."بس خلاص كده " يعنى زى عنوان الموضوع بالظبط • لما حد يشكى لك من حاجه قوله أنا عندى مشاكل أكتر منك. • فى مطعم... بص للشخص اللى قاعد على ترابيزه جنبك و أنت ماسك لقمه فى ايدك و قوله "ممكن الطحينه بتاعتك ثوانى" ؟. • كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت" قوله "أتجوزت؟!" هايقولك "اه الشهر اللى فات" قوله " الشهر اللى فات؟!" ..... و هكذا . • و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت ايه؟!" قوله ولا حاجه ... خلاص راحت . • بعد عشر دقايق ، اعمل نفس الحركه تانى . • و انت بتتكلم مع شخص ما ، ماتبصش فى وشه أبدا . • و انت بتتكلم مع شخص ما ، افضل مركز فى وشه اوى . • طول ما أنت قاعد مع زمايلك ، صفر موسيقى نشيد بلادى بلادى . • علق فانوس كبير فى الشارع و حبال زينه ، بشرط ميكونش فى رمضان !!! . • أتكلم مع الناس بصوت الروبوت . • أستلف قلم من حد ، وحط القلم فى بقك ، و أعمل نفسك بتفكر و منهمك و أنت عمال تعضعض فى القلم !!! . • و أنت فى المول ، ماتمشيش عادى ، لأ .. افضل نط لحد ماتوصل للمكان اللى رايحه . • فى المترو امضغ لبانه بصوت عالى و انت واقف جنب حد بيقرا مجله او جرنان ، و أنت بتقرا معاه طبعا . • اعزم ناس فى حفلات ناس تانيه "عيد ميلاد او خطوبه او فرح ..." . • سيب اشاره العربيه الشمال شغاله لمده 5 كيلو متر من غير ماتلف .. و بعدين اطفيها فجأه و كمل طوالى !!! . • أول ماتشوف كيس كاتشب واقع عالأرض دوس عليه برجلك جامد و قول للى معاك "أنا كنت بشوفه فاضى و لا مليان" !!! . • فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض .. "أنا بحب الأغنيه دى اوى يا جماعة" !! . • لو واقف جنب حد بيعد فلوس و فى وسط ما هوا بيعد قول اى رقم عشوائى "862" . • العب فى الوان التليفزيون لحد ما الصوره تبقى بنفسجى ، وتبقى الناس كلها لونها بنفسجى ، و اعزم اصحابك عالماتش عندك فى البيت .. و لو حد اعترض ، قوله "أنا شايف ان ده لون الحياه الحقيقى" !!! . • و أنت ماشى فى حته اى حاجه تقابلك طبل عليها . • البس جراب زى الجراب اللى بيتحط فيه المسدس .. بس حط فيه الريموت كنترول . • غير القناه قبل نهايه الفيلم او الماتش او المسلسل بخمس دقايق . lأضحك لواحده ماتعرفهاش فى الشارع وقولها بصوت عالى " ازيك .. عامله ايه؟!!! _____________________________________________________________________ مع تحياتى... لا تنسوا الردود...... للتحميل:اضغط هنا _____________________________________________________________________ RE: ازاى تكون رخم طحن؟؟؟؟ - Bestpublisher - 2008-12-29 هههههه،، موضوع جأااامد،، بارك الله فيك،، و كل الطرق و الله مرة مضحكة،، RE: ازاى تكون رخم طحن؟؟؟؟ - عاشق العندليب - 2008-12-29 حرام عليك يا راجل ده أنا طالع عيني من مجرد القراية ؟! RE: ازاى تكون رخم طحن؟؟؟؟ - mahmoud270 - 2009-01-19 اخوانى ليه مافيش ردووود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ RE: ازاى تكون رخم طحن؟؟؟؟ - the lovely girl - 2009-01-31 يا محمود انا سارة وشفتها قبل كده بس هيا جميلة[size=medium]