يابو طارق شايف فى كلامك كله تحامل على الشعب وانعدام الضمير وانك تقريبا تقصد ان 90% من المصايب اللى احنا عايشينها من فساد الشعب, وبتقول ان مش المفروض مبارك يراجع ورا كل موظف, لا لما يكون الموظف ده وزير هو اللى حاطه يبقة لازم يراجع وراه, ولما تكون المشكلة فى اغلب الوزراء ومع ذلك مش بيشيلهم يبقة هو نفسه لازم يتحاسب.
بالنسبة لموضوع الجزائر, اكيد ولا انا ولا اى عاقل يتمنى حرب مع الجزائر, لكننا تم اهانتنا علنا ولم يتم الرد بشكل رادع حتى لوقف هذه الإهانات وقلة الأدب, لا نريد حرب, لكن لا نريد ان نهان ونسكت!
اما عن العرب بشكل عام, اقعد مع اى مصرى قوله "الكويت" هايقولك بيكرهونا, "قطر" بتكرهنا, "السعودية" بتكرهنا....
صحيح ان الطابع السئ غالب فينا كلنا كاعرف (بما فيهم نحن كامصريين) لكن ليس من العقل ان تكون كل الدول العربية تفكيرها مخطئ فى كرهنا اكيد المشكلة لدينا؟
عارف مشكلتنا بقيت ايه يابو طارق؟ اننا ببساطة وبمنتهى الأسف, بقينا متسولين عليهم (لا اتكلم عنى وعنك وعن اى شخص يتحلى بعزة النفس)
لكن انظر بأى مكان (داخل او خارج مصر) يكون به تلاقى بين موظفين او عمال مصريين وعملاء عرب, وسوف ترى كيف يتعامل معهم المصرى...
هذا التسول ناتج عن ايه؟ عن الحالة الأقتصادية الزبالة اللى البلد وصلت لها وعن ضعف الأيمان بالطبع.
اسف اذا كنت بعدت قليلا عن محور الموضوع...
نرجع لموضوعنا
إقتباس :أعتقد اننى أقراء كلام من الأساطير عندما تقول
(ان القرار بقة فى ايد الشعب واللى مش هايعجبنا مش هايقعد)
طب لما الناس تروح تنتخب النواب فى مجلس الشعب الأول من غير الخمسين جنية وحتة اللحمة !
تبقى تروح تنتخب رئيس جمهورية على مزجها
لابد ان تقراء الأوضاع فى بلدك اولا ثم أحلم كما تشاء ؟
لو كل امل فى الخير والأصلاح هانقول عليه اساطير يبقة احنا نستاهل اكتر من اللى احنا فيه, بدل مانقعد فى بيتنا نقول ياخسارة نحاول نعمل حاجة ولو بأضعف الأيمان بقلوبنا لكن مانقولش اساطير وان مافيش امل. لأننا ببساطة مش هانعرف ولا هانستاهل اننا نكون عايشين طلامة مش احرار ولا فى امان!...
إقتباس :أنا معكم مصر بها الكثير من الفساد والكثير من الفاسديين
ولكن المشكلة الحقيقة عندنا هى مشكلة ضميررررررررر
أخى العزيز يوم القيامة سوف يحاسبنا المولى فراد
أى كل فرد سوف يقف وحده أمام المولى عز وجل يحاسبه
على اعماله ؟
طب تخيل لو كل واحد فينا بيعمل الى عليه امام ربنا وهو شاهد عليه
النتيجة كلنا حلويين ومتعاونيين وكويسيين واحسن بلد فى العالميين
ماهو بالذات بقة عشان نقطة زى دى, اول حاجة عليك انك تعترض لما تشوف الفساد, بص بلاش نروح لبعيد
انا شايف نفسى انسان صالح وشايفك كذلك (او بنحاول ان لا نغضب الله)
بس كل الظروف اللى حوالينا قاسية, وادامنا حل من اتنين, يانضطر نغضب ربنا عشان نعرف نعيش بسهولة, يانعترض على حكم فاسد (حتى لو يؤدى الأعتراض لشئ فالقيام به واجب عشان لما نتسأل!) ونطالب بحكم صالح نقدر نعيش فيه عيشة كريمة دون ان نغضب الله.
يابوا طارق حكومتنا نجحت نجاح كاسح انها تفقر الناس, وتبعدها عن ربنا (عشان يقدروا يعيشوا) وبعدها بتسأل الناس ازاى عن الضمير؟
الفساد اللى انتشر من فوق لازم يتبتر من فوق وبعدها ندور على احوال الناس...
![[صورة: egypt_44.jpg]](http://ashmawy66.googlepages.com/egypt_44.jpg)
