مشاكل ارتفاع حرارة جهازك (الحلول والبرامج المساعدة)

[Pepo]

مرحبا بكم أحبتنا فى الله

طبتم وطابت أوقاتكم

كثير منا قد يعانى من ارتفاع درجة حرارة الحاسب لديه
سواءا كان جزئيه معينه كالرامات او البريسوسور
او ارتفاع الحراره بوجه عام



وبالطبع طريقة كمادات الثلج لن ترحم الحاسب من حرارة التشغيل المرتفعه

وفى هذا الموضوع نستعرض مشاكل التبريد وحلولها والبرامج المساعده
للتغلب على هذه المشكلات

فعلى بركة الله نبدأ

أولا

برنامج Sensors View Pro 3.1



برنامج لقياس درجة حرارة الجهاز واعطاء الانذار فى الوقت المناسب

حجم البرنامج 1.87 ميجا فقط

التحميل من هنا

برنامج SpeedFan الاصداره النهائيه

للتحكم بسرعة دوران مراوح التبريد



يمكنك تحميله من الصفحه التاليه

http://www.almico.com/sfdownload.php

طيب نبدأ فى تفنيد اسباب ارتفاع الحراره وطرق التغلب عليها

ولكن بعد ان قمنا بقياس درجة حرارة حاسبنا هناك قاعده يجب ان نعرفها اولا


أذا كان عندك البروسيسور من 1.7 إلى 2.4 وزادت حرارة البروسيسور عن 55 درجة سيليزية يبقى لازم تقلق وتكمل الموضوع.
أذا كان عندك البروسيسور من 2.6 إلى 3.2 وزادت الحرارة عن 65 درجة سيليزية يبقى لازم تقلق وتكمل الموضوع.
أما أذا قلت عن ذلك بكثير فأنصحك بعدم العبث بجهازك أساساً.

أولأً : الأتربه

الأتربة الموجودة داخل الجهاز بتقلل من سرعته ,
التراب بيلزق على سطح السيليكون PCB المكون للشرائح الألكترونية EC – Electronic Chips وبيسبب أرتفاع درجة حرارتها وبكده بيقلل من سرعة الجهاز.

نجيب فوطة نظيفة من الألياف أو القماش بس تكون جافة ويفضل لوكويناها الأول عشان نضمن أنه مفيش رطوبة عليها وبعدين نعدى على الأسطح الألكترونية بسرعة ونزيل التراب من عليها بالراحة بس خلى بالكم ماتلمسوش وبكرر ماتلمسوش الدوائر المدمجة الـــ IC يعنى وهو لونه أسود كده وبيقى مستطيل عادة ولو لمستوه ماتخفوش مش هايحصل حاجة بس ماتكرورهاش تانى.

ملحوظة 1 : بالنسبة لمحترفى التركيب والتجميع ( فقط ) يفضل فك الجهاز قطعة قطعة وتنظيفه ثم اعادة تركيبة.
ملحوظة 2 : عند فتح علبة الجهاز أحرص على لمس جهاز أمداد الطاقة Power Supply بكلتا يديك عشان تضيع الكهرباء الساكنة Electric Static Electricityوالشحنات اللى على أيديك عشان ماتضرش الجهاز والشائح اللى فيه.
ملحوظة 3 : لازم تبقى رجليك معزوله عن الأرض كويس.
ملحوظة 4 : طبعاً لازم يكون الجهاز مفصول منه كابل الطاقة Power Cord Cable وكل لبيب بالحاسب يعلم

ثانياً : مروحة البروسيسور :


أهم شئ فى الموضوع أو من أهم الأشياء فى الموضوع.
لازم تجيب لك مروحة نظيفة وقوية وعدد لفاتها فى الدقيقة RPM مايقلش عن 3000 لفة , والكلام ده موجه لأصحاب المعالجات العالية High-End Processors مثل المعالجات بانتيوم 4 اللى ترددها 2.4 جيجاهرتز أو أعلى ( كل اللى يجي من حبايبنا فايدة ) عشان المعالجات ديه بتطلع حرارة جبارة المهم اللى عنهم معالجات أقل من كدة ممكن يشتروا أى مروحة المهم تكون نضيفة مش اللى بعشرة جنية مصرى.

انا عن نفسى برشح للناس اللى عنهم معالجات أعلى من 2.4 أو مايعدلها - وبالذات اللى فيها ذاكرة مخبأه Cache Memory عالية وتكتب أختصاراً L1 و L2 , زر المعالجات بريسكوت اللى كاشها ميجا – أنهم يشتروا مروحة Cooler Master بس الأصلية لأن فى أنواع مضروبة فى السوق المصرية بتعمل 25 جنية وعلبتها كرتون مقوى لونها أخضر وديه طبعاً المضروبة أما الأصليه هتلاقى علبتها بلاستيك شفاف وعليها ختم الشركة والعلامة المائية اللى بتلمع ودى عاملة حوالى 70 جنيه لأقل موديل!!!!
غاليه شويه بس تمام

تعالى نحسبها , حضرتك شارى بروسيسور 3 جيجاهرتز أو حتى 2.4 جيجاهرتز كاش مش أقل من 256 أو 512 أو حتى ميجا وعامل فى حدود 500 – 1300 جنية , مستخسر فية مروحة بسبعين جنيه ؟؟؟
طب لما البروسيسور يتحرقبعد الشر هاتقول ياريت اللى جرى ماكان , صح ولا لأ ؟؟؟؟ وبعدين المروحة ديه من النوع الجيد ولن تسمع لها صوت


مشكلة الأجهزة اللى بتسخن مش فى أنها متربه وأن مروحة البروسيسور تعبانه وبس , أنما مشكلتها فى أن الهواء واقف داخل علبة الجهاز المقفولة أصلا !! طب أحنا عايزين نعمل دورة هواء داخل الجهاز.

المطلوب :
1- عدد مروحتين Case داخليتين.
2 - عدد 8 مسامير مراوح لزوم التثبيت.
3 - عدد واحد بنى أدم لزوم التركيب وهو متوفر والحمدلله .

قبل البدء ينبغى توخى الحذر عند تركيب المروحة Case fan وذلك حتى لاتجرح نفسك لأنها صعبة التركيب بسب عدم وجود مجرى للمسمار ( قلاووظ ) فيجب أن تعملها بنفسك

المهم فيه طريقتين مضمونين لتركيب المراوح:
1 - تركيب مروحة لأدخال الهواء من الأمام ( شفط الهواء داخل العلبة ) وأخرى من الخلف وتقع أسفل الـ Power Supply بقليل وتعمل على أخراج الهواء من الجهاز ( شفط الهواء خارج الجهاز).
2 - تركيب مروحتين من الخلف ( لمن لديهم مكان لمروحتين من الخلف ) أسف الــ Power Supply فقط.

تعمل الطريقة الأولى على عمل دوامة هواء داخل الجهاز على شكل دوائر فيدخل الهواء من المروحة الأولى بارداً ويسحب الهواء الساخن الخارج من الأجزاء الساخنة مثل البروسيسور والفيجا والهارد وشفط الهواء الساخن خارج علبة الجهاز عن طريق المروحة الثانية. ( أنصح بأستخدام هذه الطريقة ).

تعمل الطريقة الثانية بنفس فكرة عمل الأولى ولكن الفرق فى وجود مروحتين من الخلف تعملان على سحب الهواء الساخن من الخلف بسرعة.



وهناك من يقوم بتركيب المروحة بدون خبرة سابقة فتزيد الطين بله وتزداد سخونة الجهاز ولاتقل.

الطريقة الخاطئة الأولى :
تركيب مروحة خلفية تدخل الهواء للجهاز وتحتها أو بجانبها مباشرة مروحة أخرى تخرج الهواء خارج الجهاز , ومشكلة هذه الطريقة أنها زى قلتها ملهاش لازمة يعنى الهواء بيدخل الجهاز مابيلحقش يبرد المكونات وبيخرج بارد زى ماهو.

الطريقة الخاطئة الثانية :تركيب مروحتين من الأمام والخلف ولكن كلتا المروحتين تسحبان الهواء خارج الجهاز ويعتقد من يفعلها بأن هذه الطريقة تسحب الهواء الساخن بسرعة خارج الجهاز ( فى المشمش ) مشكلتها أنها بتسحب الهواء كله من علبة الجهاز ومابيلقيش البروسيسور حاجة يبرد بيها ودى طريق أخطر من اللى فاتت بمراحل.
وهناك جزء ثان للموضوع بخصوص تبريد كروت الفيجا والهارد ديسك وأنظمة التبريد الحديثه

منقول للإفادة

[raoaa]

موضوع رائع جزاك الله كل خير

[mada_0002000]

الف شكر اخى على البرنامج

[Pepo]

العفو اخوانى الكرام واشكر لكم مروركم

[جمال كمال]

مشكور حبيب القلب

[الملك ارثر كينج]

مشكووووووووووووووور يا عسل

[mohammed510]

الف الف شكر ليك