السيجارة ألأخيرة

[عايدة البصيلى]

عال البعد أشوفك ماتشوفنيش

أجريلك بين الغاب والهيش

أناااادى وأنادى

متسمعنيش أحاول أجرى

من تانى تمسكنى الخطوة

ألسابقانى تقتلنى ماتموتنيش

أمسك فى شعور الشمس

ألمجدوله مالهوا والنور

وأركبلك موجه مبتوره

لفظتها بحور وأرفرف بجنحتى

حولين السور وأمد ألأيد

من قلب الحيط

وأزاز القلب المتنطور

جانب الجدران

أتاريك حيران زيى حيران

بتحاول تبعد تدارى

فى كلام جرنان

تتخفى فى زحمة مخاليق

وسحاب دخان

وأبص عليك فى عيون الناس

ألأقى عنيك حضناها سيجاره

نارها حواليك حرقتلى أديك

سيجارة أخيره

كرهتك فيها وكرهتا فيك

وبعدت بعييييييييييييييييد

لكنى حشوفك وأشوفك

ما تشوفنيش

وأجريلك بين الغاب والهيش

ولاتمسكنيش ولاتمسكنيش


عايدة البصيلى