حملة على «الإنترنت» لتأييد جمال مبارك

[ebrahemadv]

حملة على «الإنترنت» لتأييد جمال مبارك
تحت شعار: «لا البرادعى ولا نور.. ده جمال هو المنصور»

كتب هدى رشوان وغادة عبدالحافظ، وبورسعيد ــ حمدى جمعة ٢٥/ ٢/ ٢٠١٠

تصوير- محمد راشد
لافتة مناهضة للبرادعى فى أحد شوارع بورسعيد

فى الوقت الذى اعتبر فيه البعض أن شعبية البرادعى «آتية» من عالم افتراضى تتخذ من مواقع الإنترنت مكانا لها، بدأ أنصار الحزب الوطنى استخدام «السلاح» نفسه من خلال صفحات الـ«فيس بوك» لتأييد جمال مبارك، وهو ما جعل المعركة الإلكترونية تشتد بين أنصار الاثنين، من خلال مجموعات الـ«فيس بوك».
أنشأ شباب من الحزب الوطنى «جروب» بعنوان «تجمع مصرى للضغط على جمال مبارك لنزول انتخابات ٢٠١١» ويضم نحو ٤٠٠ عضو وشعاره عبارة عن علم مصر يحمل صورة لجمال مبارك بجوار النسر وكتب عليه «لا البرادعى ولا نور ده جمال هو المنصور»
وأسس ٨٢١ عضواً آخرين جروب آخر بعنوان «أصدقاء جمال مبارك» وشعار الجروب الذى يضم ٨٢١ عضواً «لست حلما فى الخيال أنت مطلب يا جمال».
من ناحية أخرى، أثار الظهور الإعلامى للدكتور محمد البرادعى وزيارة أيمن نور لبورسعيد الجمعة الماضى حفيظة الحزب الوطنى فى المدينة، فلجأ إلى أدوات أخرى لمواجهة ردود الفعل لأنصار البرادعى من خلال اللافتات التى انتشرت فى شوارع محمد على والثلاثينى بعنوان: «لا البرادعى ولا نور.. مبارك أدخل فى نفوسنا السرور».
أما أنصار البرادعى من الشباب فوضعوا على صفحة البرادعى رئيسا رسما بيانيا يوضح ازدياد أعداد مؤيدى البرادعى من الشباب حتى وصل لمليون شاب.


ــــــــــــــــــــــــــــــــــــــــــــــــــ ــــــــــــــــــــــــــــ
((منقول عن جريدة المصري اليوم))

[ReMoNvc]

الموضوع ده كبير محتاج شهر الواحد يتكلم فيه ....
--------------------------------------------
الرئيس مبارك



له مزايا كثيرة جدا مقدرش اعمل زى الناس اللى بترفضه وهى مش فاهمة حاجة ولا عارفين الراجل ده تعب ازاى

لكن زى ما ليه مزايا كتير ليه عيوب كمان اهمها الاهتمام بالسياسة الخارجية وإهمال السياسة الداخلية

يعنى مثلا إرسال المواد الغذائية ومساعدات للشعب الفلسطينى أكثر من اللازم على الرغم من ان هناك من شعبه من هم فى نفس الحاجة.

إرسال تبرعات بالدم من خلال بنك الدم او تبرعات الشباب من خلال سيارات الاسعاف بشوارع مصر على الرغم من ان هناك من شعبه بالمستشفيات من هم فى نفس الحاجة.
--------------------------------------------
البرادعى



انا اعرفه نظرا لإهتمامى بالأخبار العالمية فقط يعنى ملوش أى دور إصلاحى فى مصر نقدر نشهد بيه .

كلامه فى التليفزيون يجعلنى ارفضه تماما لأنه لا يسعى إلا لكسب تعاطف الشعب قال فى برنامج مع عمرو اديب

1 - انه مهتم بقضية الجماعات الاسلامية ولا يعترض ان تقدمو للرئاسة ( ده عشان يكسب صوت الجماعات الإسلامية )

2 - انه مهتم بقضية المسيحيين ولا يعترض ان يتقدمو للرئاسة ( ده عشان يكسب صوت المسيحيين )

طبعا انا كمسيحى أو لو فرد من الجماعات الإسلامية اكيد هافرح بيه جدا واقول عليه ديموقراطى لكن أعتقد دى محاولة كسب صوت مش اكتر

وده طبعا يخلينى أرفضه تماما ( مع العلم أنى مسيحى لكن أرفض النظرية تماما لأنى أعيش فى دولة إسلامية منذ ولادتى ولم يطالب أحد بالتغيير او إشتكى )
--------------------------------------------
جمال مبارك



أنا شخصيا لم أرى له أى عمل يحسد عليه سواء على المجال الإجتماعى أو على المجال السياسى

وممكن أكون غلطان أو لا اعرف او اشاهد اعماله لكن نظرا لأن ده كله كلامى مش منقول من منتدى تانى فبقول رأيى اللى اعرفه
--------------------------------------------
الدستور المصرى



طبعا معظم الشعب يسمع عن كلمة دستور ويعرف ان المقصود بيه قانون الدولة لكن هل يعرف بينص على ايه ؟؟؟؟ طبعا لأ

الدستور بينص بعد التعديلات على إن المتقدم للرئاسة لازم يكون رئيس حزب ولازم يكون كان متولى منصب حكومى لمدة تزيد عن سنة

طيب احنا فى وقت لا يسمح بقيام احزاب اجيبلك رئيس حزب منين يبقا اكيد من الموجودين .... طيب فين التغيير ....

--------------------------------------------
خلاصة الكلام

سواء الرئيس مبارك او جمال مبارك او البرادعى او ايمن نور او حمدين صباحى مصر مش هاتتغير بين يوم وليلة

المميزات :

مصر بقالها اكتر من 28 سنة مدخلتش حرب او فى مشاكل سياسية ( خمسة وخميسة فى وشى )

مصر أهلها أطيب ناس فى العالم

مصر بلد خارج منها نوابغ وعظماء يحتسبو ضمن التاريخ فى شتى المجالات ( تكنولوجيا أدب شعر غناء )

عيوب :

احنا المركز رقم 1 عالميا فى حوادث الطرق حسب دراسة حقيقية من موسوعة أمريكية

مصر للأسف واخدة ترتيب عالمى فى مستوى الرشاوى وممكن تعمل سيرش عن كلامى تتأكد
---------------------------------------------------------
انا لا أرى رئيس مناسب يهتم بالسياسة الخارجية والداخلية حتى الان !!!!!!

والأفضل لمصر بقاء الرئيس محمد حسنى مبارك لأنه الأفضل بين النماذج المطروحة
---------------------------------------------------------
برجاء إذا نقلت كلامى إذكر المصدر . . . . طبعا إذا متمسحش

[Pepo]

رأيى الشخصى, كاشخص مصرى عادى جدا, لا سياسى ولا اجتماعى ولا حتى شئون بيئة...

مبارك صح امنا من الخطر الخارجى, يعنى ماباقاش فى حروب مع دول غريبة, بس الشعب بقة كله بياكل فى بعضه.
يعنى اسمع من امى ومن الناس الكبيرة, انهم كانوا ممكن يروحوا مشوار ويسيبوا باب البيت مفتوح طلامة ان جيرانهم موجودين بيبقوا مطمنين وعارفين انهم فى امان... دلوقتى الواحد بيركب قفل واتنين وباب حديد ويجب كلب ولا اتنين حراسة ويخاف على اهل بيته (هنا مش بتكلم عن نفسى, بس المناطق الشعبية لو عيشتوا فيها هاتشوفوا نصايب)

يعنى امنها من برة وولعها من جوة (الشوط الأول تعادل)


لو بصينا للنحية الزراعية, مصر من المفترض انها دولة زراعية, او حتى النشاط الزراعى فيها المفروض انه يمشى الحال...
دلوقتى مافيش كلام من ده القمح بنستورده, وياريت بنعرف نستورده الا بنستورده غير صالح للإستخدام الأدمى (بيجيبولنا علف بهايم)!

معلش ماهو البهايم مخلوقات برضه...
ناهيك عن اللحوم اللى مش سايبين حاجة الا وفيها خراب يكفى قارتين...

طيب الصناعة؟ الصين والحمد لله وفرولنا كل حاجة وكله فى السعر الحنين يا مان, حتى الحلاق بقة ديليفرى!


طب ايه تانى؟ اتقدمنا طيب؟ اكيد اتقدمنا شوف الفرق فى الكهربا بين قبل-مبارك و بعد-مبارك
وكذلك فى التليفون ولا الكبارى والأنفاق؟ واو, ياناس هو ده التقدم؟ التقدم لما اشوف امارة زى دبى صنعت حضارتها بنفسها (مش بيعيشوا هما واجيال اجيال اجيالهم يقولوا اجدادنا عملوا واحنا ياريتنا بنحافظ على اللى هما عملوه)
لما اشوف دولة زى الصين خرجت من الحرب العالمية قالت يا اما انا يا اما السوق العالمى, وفى حوالى 30 سنة اكلت العالم كله...

حد يقولى ازاى بيقيس التقدم ويقولى احنا فين من التقدم؟



طيب كده خلصنا مدح فى عموا مبارك اللى مدلعنا ومهنينا...

بالنسبة للبرادعى, انا شخصيا مش عارف مش بستريحله, بس مش مهم انا استريحله ومش مهم الشعب كله يستريحله
ومش مهم هو كويس ولا لا, المهم مبارك يمشى, لما نقدر نمشى مبارك وهو حى الشعب هايستعيد الأمل, هايبقة فى ثقة فى كل واحد ان التغيير ممكن لو اتفقنا على كلمة, لكن حكومة مبارك احترفت فى تفرقة اهداف الناس, يعنى مثلا, تعالى قول لواحد من اللى طالع عينهم فى الشعب يللا نعمل مظاهرات نقلب الحكم, هايقولك ياعم سيبنى فى حالى خلينى اشوف هاعشى العيال ازاى!
احنا عايزين تغيير يدينا امل ان مصر مش امبرطورية ابو جمال واولاده.

[MR.A_H_M_E_D]

موضوع مهم جدا للنكاش وليس للتأيد

بالنسبه لمبارك وهتكلم بالعميه مبارك بقاله 30 سنه وزى مقال بيبو مبارك حامى البلد من حروب غربيه لكن محمهاش من حروب اسرائيلية اسرائيل بتقتل اى جندى على الحدود عادى وتقول خطىء علما بأن سنة تقريبا 85 فى واحد اسمه سليمان خاطر كان جندى على الحدود المصريه الفلسطينيه المحتله تسلل 7 من المتطرفين اليهود حدود مصر ومع تحذيرات سليمان خاطر كما قال لم يلتفتو او يبينو انهم مهتمين والتحذير كان اعيرة نارية وبعد كده ضرب عليهم النار وقتلهم كلهم وده المفروض كان واجب وطنى لكن مبارك شاف غير كده شاف انه يطلع ويلقى بيانا يأسف فيه على اللى حصل
وتم الحكم على سليمان 25 سنه وبعد يومين بالضبط لقوه ميت فى الذنذانه بتعته وقالو انه انتحر وممكن عن طريق اليوت يوب تكتبو قصة سليمان خاطر للى مش عارفها عشان التأكد .
طيب انا عاوز اقول ايه يعنى من القصه دى عاوز اقول ان صحيح حنا مدخلناش حرب بس حدودنا مفتوحه بتعاون نظام المصرى والنخبه الحاكمه
وزى مقال عز من كام شهر فى البرلمان المصرى اللى عاوز يحارب يدفع او يدفعلنها مش فاكر المبلغ اللى قاله وكان يقصد طبعا الدول الخليجيه ودى اهانة لجيش مصر زى ميكون مصر بتحارب عشان الفلوس مش عشان كرمتها .

نيجى للداخل سنويا فى مصر من الحوادث بس بيموت اكثر من اللى كانو بيموتو فى حروب مصر ياريتهم كانو بيحربو ويموتو بكرامه
مبالك بقى اللى بيموتو بالمرض من كلك 3 مصرين واحد عنده فايرس سى واللى بيموتو فى القطارات والبحر واللى بيتقتلو وادينا شيفين القتل بقى علنى
ولسه من يومين سواق فى المقاولون العرب قتل 8 من موظفى الشركه
عاوز اقول ايه بردو عاوز اقول ان السلام مكنش حقنا للدماء زي مبيقولو ده كان عشان اسرائيل فكرت فى طريقه تنيه تضعف بيها مصر وتحتلها بدون ححرب اسرئيل طبعا استفادة كتير خدة غاز تقريبا ببلاش مصانع الحديد والسراميك والزيوت وغيره فى السخنه مفتوحه بخط مستقيم لاسرائيل تاخد اللى عوزاه ازمة حوض النيل الىل مبارك قلنا متخفوش دى فى جبنا اسرائيل حرضتك دول حوض النيل ضدنا دول حوض النيل على فكرا مش محتاجه مية النيل لسببين اول سبب انها قليلة العدد ثانيا الامطار عندهم بتنزل بغزارة يعنى ده يدل انهم عوزين يوجهو مية النيل لمكان تانى وده انسب حل عشان يستفادو من المياه

ده بالنسبه لاسرائيل والحروب والسياسه الداخليه والخارجية

نيجى بقى لانجازات مبارك : اعظم انجازات مبارك اللى من يومين مزيع وصاحب قناة الفراعين توفيق عكاشه وهوا من الحزب الوطنى طلع وقال الرجل العظيم من انجزاته اه انا هقول حجتين بس هوا قال كده مبارك فى عهده رصف مش عارف كام كيلو من ارض مصر وتانى حاجه عمل كبارى اكبر دوله عربيه فيها كبارى هى مصر هى دى انجازات مبارك
نيجى بقى لمصر الحبيبه اللى بيقولو عليها مفهاش فلوس
وان فيها تضخم سكانى وده من تخريف النظام والحكومه

---

اولا دى اسمها ثروة سكانيه
الصين الهند كوريا الشماليه اليابان كل دول فى عهد عبد الناصر كانو تحتيها دلوقتى من اعظم الدول واكبر الدول معانهم معندهمش ربع ثروة مصر وكمان الصين مليار وى الهند مليار وى ومع ذالك شوف اقتصدهم
مصر معدل النمو اللى بيتكلمو عنه ده بيروح لرجال الاعمال
مصر فيها ايه
مصر فيها قناة السويس
مصر فيها السياحه
مصر فيها البحر الاحمر والبحر المتوسط
مصر فيها نهر النيل وبحيرة ناصر لوحدها تأكل الشعب المصرى كله
مصر فيها البترول والغاز
مصر فيها ماه جوفية تشرب مصر ل 100 سنه
مصر فيها 95 او 96 ارض صحرويه فضيه مفهاش سكان
مصر كان معروفه ببلد زاعية كما قال اخويه بيبو
مصر مليانه دهب كفايه بحيرة قارون ولكنا عرفين فيها ايه وامريكا طلبت من مصر تنقب فى البحيرة دى وتاخد النصف ومصر رفضت
مصر فيها طاقه شمسية ممكن تستخدم وتتباع
مصر فيها طاقة رياح تستخدم محليا والله اعلم ممكن تتباع بعد تخزين الطاقه الناتجه عنها
مصر مليئه بالمعادن

---

وفى حجات كير فى مصر نعرفها ومنعرفهاش
دوله فيها كل المميزات دى ايه السبب انها متكونش دوله من الدوله العظمه ولو مكنش اعظمهم
احمد زويل قال مصر اغنى من امريكا
وانا بقول مصر محتاجه رؤية وحكم رشيد
مبارك 30 سنه لا هيعمل ولا عمل لمصر لا ده سرق مصر هوا ورجال الاعمال اللى حوليه واذا كان عاوز يمسك ابنه فده عشان الدفاتر متتفتحش
مبارك مش معترف بأحديث الرسول على فكرا طلع فى لقاء قال الاسرائيليين اخوتنا مش عوزينهم يبقو اعدئنا
والرسول قال لا يرضى عنكم اليهود ولا النصاره
اذا كنا هنتكلم عن مبارك فهنتكلم على الالفتره المظلمه لمصر وعلى فكرا دى الفتره اللى ربنا وعد بيها اليهود انه هيديهم فرصتين ودى الفرصه الاخيره
لو عملو خير فلنفسهم ولو عملو شر فالله لها يعنى ربنا لهم بالمرصاد وهيسلط عليهم قوم يدخلو القدس كما دخلوها من قبل وده فى اول ايات فى سورة الاسراء يعنى انا متفائل جدا بالفتره اللى جيه زى مخدو وقتهم وفرصتهم ربنا هيدينا فرصتنا كمسلمين بس نرجع زى مكنا

بالنسبه للبردعى عشان انا طولت انا اعوذو بالله من كلمة انا كنت عملت تنسيق مع واحد من الجمعيه فى فرع السويس وكنا بنجمع شباب ونوعيهم بعد كده نضمهم ونبداء جمع التوقيعات بس فى اخر الايام بالنسبالىمعجبتنيش كلمه قلها البردعى كنت طبعا بسمعها قبل كده بس لما فهمت محبتش الكلمه وبراجع نفسى دلوقتى هى انه قال انا علمانى بس من تفكيرى قلت طيب وانا مالى برحته انا اسعدهم فى جمع التوقيعات او التوكيلات وبعد كده انتخب الىل انا عوزه بس المهم يتغير الدستور ومبارك يمشى ولسه بفكر بردو
بالنسبه للبردعى بقى بعيد عن العلمانيه لانى مش هنتخبه بصراحه الا لو ترجع عن العلمانيه دى ود حقى كمواطن مصرى
انه قال انا هغير الدستور بالشعب مش لوحدى عشان يسمح لكل واحد انه يترشح وده كلام جميل الراجل بيقول حتى لو انا جيت رئيس فى امكانك لو معجبتكش تمشينى بعد 5 سنين متنتخبنيش تانى احسن ميقعد جمال مبارك 30 سنه تنيه فى فساد والموضوع مش على البردعى يعنى القصد حتى لو مش البردعى بتغير الدستور اي واحد تنتخبه وميعجبكش وميعملش اللى قالك عليه هيبقى ليك الحريه انك تشيله فى اول انتخابات قادمه
وانا عارف انى طولت عليكم