أشهر الجمل اللي بيقولوها الأب و الأم في مصر !

[عاشق العندليب]

قرأتّ هذا الموضوع الطـّـريف في إحدى المنتديات فأحببتّ أن أنقله لكم و أترك لكم التـّـعليقات في النـّـهاية.
*مش عايزة اسمع صوت
*ما تردش عليا
*لو مش فاهم حاجة ارفع ايدك واقول للأستاذ مش فاهم ... ماتتكسفش
*ومالها بس كتب الوزارة
*بص كويس وانت بتعدى الشارع
*البس شبشب ... ما تمشيش حافى
*قوم صلى ربنا يهديك
*اطفى التليفزيون واقوم ذاكر... التمثيلية مش حتنفعك بحاجة
*اقفل صدرك
*كل على مهلك وامضغ الأكل كويس
*كفاية رغى فى التليفون بأة
*ما تقفش فى تيارات الهوا وانت مستحمى
*ما تعليش صوتك عليا
*اللى يكذب ربنا يدخله النار
*يا بنى اللى ذاكر ذاكر وخلاص ... اقوم نام
*ادى دقنى اهه لو فلحت
*بلاش تلعب بالمقص ... بيجيب الفقر
*يا بنى كلم خالتك العيانة اسال عليها
*اوعى حد غريب فى الشارع يديلك حاجة وتاخدها
*لازم تاكل سلاطة خضرا
*عيب لازم تحترم اللى اكبر منك
*انت فاكرنى قاعد على تل فلوس ... اجيبلك منين
*انت ما بتشبعش طلبات
*قوم اقرالك كلمتين ينفعوك
*ما تتكلمش بصوت عالى فى الحمام
* والله ما انت فالح السنه دى
*ما تلزقش فى التليفزيون كدة ... نظرك حيضعف
*مش شايف ابن عمك فالح ازاى ... ياريت تبقى ربعه
*اللى بيعوز يذاكر بيذاكر انشا لله حتى على لمبة جاز
*ما تطلعش ايدك من شباك العربية
* كسر رقبتك على صدرك
*ربنا يرزقك بعيال يوروك اللى ورتهولى
*ما تطلعش ع الملاية النظيفة ورجلك وسخة
*حول القناة دى بلاش مسخرة وقلة ادب
*طلع ايدك من جيبك وانت بتكلمنى
*ما تحطيش ايدك فى جنبك وانتى بتكلمينى
*بتبرطم بتقول ايه
*انت فاكر انك كبرت خلاص ... مش حتكبر عليا
* ربنا يفتح فى وشك الأبواب المقفلة

[Pepo]

تسلم الأيادى يا غالى
وفعلا بنسبة 80% سمعتهم كتييييييييير

[عاشق العندليب]

شكرا على مرورك أخي العزيز أنا فعلا سمعتّ الكثير منهم في بيتي و البيوت الأخرى.

[awtil.com]

لحوة موووووت شكرا لك اخي الكريم
ونحن نسمعها على الشاشة من كترة الافلام المصرية التى نشاهدها باليوم
حتى اصبحنا نتكلم ببعض الكلام المصرية

[عاشق العندليب]

مرورك أسعدني أخي الفاضل.

[AngeL oF liGhT]

بجد موضوع مميز
انا سمعتهم كلهم بالأضافه لواحدة كمان....
( قاعدة الكمبيوتر بوظت عينيكي حرام عليكي يابنتي )

[عاشق العندليب]

بجد موضوع مميز
انا سمعتهم كلهم بالأضافه لواحدة كمان....
( قاعدة الكمبيوتر بوظت عينيكي حرام عليكي يابنتي )

عندك حق أختي العزيزة هذه الجملة أصبحت تقال لنا كثيرا شكرا لمرورك المميز.

[وعد العيون]

انا بقي اعرف واحد صحبي
اعتقد انه سمعهم كلهم
و تقريبا سمعت شوية منهم
تقبل مروري .

[عاشق العندليب]

شكرا لك أخي الفاضل على مرورك المميز.

[عاشقه الغروب]

وانا كتير بسمعهم من زوجه اخويه
ههههههههه اصلها مصريه