25 سنة ؟!

[عاشق العندليب]

الخمسة و العشرون سنة المقدسة في السنيما المصرية هذه بعض الأمثة:-

واحد اتهم زور في قضية و اتحكم عليه بالمؤبد فيخرج و يروح ينتقم من اللي كان السبب و يقوله: أنا جاي انتقم منك و آخد حقي اللي ضيعته من 25 سنة ؟!

واحد ساب مراته و عياله و بعد 25 سنة يحس بالندم و يروح لأسرته فمراته تقوله و لو كانت ماتت ابنه أو بنته: بقى رمتنا 25 سنة و جاي دلوقت عايز ترجع لنا ؟!

واحد افترق عن حبيبته لأنه مكانش جاهز و أهلها رضوا بعريس جاهز من مجامعيه و بعد 25 سنة يشاء القدر إن ابن الراجل ده يحب بنت الست دي و هو يرفض و يروح يقولها: مش فاكرة من 25 سنة سبتيني و اتخليتي عني و انا كنت باحبك بعدها كرهتك عايزاني ازاي أربط نفسي بيكي تاني ؟!

[Bestpublisher]

هههه،، 25 سنة ههه،،
مشكور أخي العندليب على الموضوع الرائع.

[Pepo]

لا الجديد كمان.
شركة جهينة, بقة ليها 25 سنة بتبذل كل مافى وسعها لتقديم افضل منتج, وهكذا شركة شيبسى, وشركة البيبسى.

الـ 25 بقة الرقم المثالى عندنا اللى نرمز بيه للأمد الطويل.

[عاشق العندليب]

شكرا لمروركما أخواي العزيزان.

و عندك حق أخ بيبو خد عندك دي كمان:

مرة واحدة قامت من النوم ع الساعة 5 الفجر ملقتش جوزها نايم جنبها فقامت تدور عليه لقيته قاعد ف المطبخ و ماسك فنجان قهوة في أيده و وشه مليان حزن...

فسألته مالك يا راجل أيه اللي صحاك بدري و مقعدك القعدة دي ؟!

قالها فاكرة من 25 سنة لما أبوكي قفشنا في العربية و احنا مع بعض ؟!

آه فاكرة ؟!

و فاكرة لما مسك المسدس و حاطه على دماغي و قالي يا تتجوزها يا اسجنك 25 سنة ؟!

آه فاكرة ؟!

نزلت دمعة من عينه و قالها:

لو كنت اتسجنت كان زماني طالع النهاردة !

[Dr.Desmond]

جميل جدا...
تسلم الايادي

[عاشق العندليب]

شكرا على تعليقك أخي الكريم.